Hindi Song Title: Har Dil Mein Nafarat Bhari Hai

Hindi Movie/Album Name: SANTAAN

Singer(s): MUKESH

Hindi Lyrics:

har dil mein nafarat bhari hai koi dil saaf nahin hai
maalik teri saari duniyaa mein kahin insaaf nahin hai

tuu mile to puuchhuun tujhase kyaa ye hai nyaay teraa
duniyaa ko diye ujaale aur mujhako diyaa andheraa
tuu mile to puuchhuun

neki karane vaalon ko to milati yahaan buraai hai
kudagarzi ke tuufaanon mein duub gayi sachchaai hai
kisi ki nagari bas gayi dekho kisi kaa lut gayaa deraa
tuu mile to puuchhuun

kitani umangen laae the ham dil mein sametakar
le jaa le aa rahe hain hasaraten qafan mein lapetakar
ab kisape karen bharosaa jab tuune hi munh pheraa
duniyaa ko diye ujaale

teri jhuuthi duniyaa ki ham sab divaaren tod chale
tujhe mubaarak teri duniyaa ham to duniyaa chhod chale
mar kar bhi na bhuul sakenge ham ehasaan ye teraa
tuu mile to puuchhuun